Ardian Gjeloshi me “Crowdhouse” fiton çmimin “Swiss FinTech Awards”

Çmimin për “zgjidhje të jashtëzakonshme në fushë të Fintech-it (teknologjisë fnanciare) e kanë ndarë së bashku forumi “Crowdhouse” dhe “Qumram”

Eksperti i ri shqiptar i financave Ardian Gjeloshi, gjegjësisht ndërmarrja, Crowdhouse bashkëthemelues i së cilës ështe ai, ka fituar çmimin “Swiss FinTech Awards” që është ndarë sonte në Cyrih. Çmimin për “zgjidhje të jashtëzakonshme në fushë të Fintech-it (teknologjisë fnanciare) e kanë ndarë së bashku forumi  “Crowdhouse” dhe  “Qumram”, njofton finnanzundwirtschaft.ch.

Çmimin e ka themeluar “Finance und Wirtschaft Forum” dhe ky ka qenë viti i dytë që po ndahet, transmeton albinfo.ch Një çmim i ri që që i është shtuar këtë vit këaj gare është ai me emrin “Fin Tech Influencer of the Year”. Këtë çmim duhet ta fitojë ndonjë personalitet që e ka shënuar në mënyrë pozitive  fushën e teknologjisë financiare të Zvicrës. Shoqata «Swiss Finance Start-ups (SFS) është nderuar me çmimin e përmendur, në ceremoninë e mbajtur mbrëmjen e të enjtes, në Dolder Gradn Hotel të Cyrihut.

albinfo.ch ka shkruar javë më parë lidhur me zgjedhjen e Gjeloshit në mesin e fialistëve të këtij çmimi.

Fintech (Teknologjia financiare) është një fushë ende e re e ekonomisë në Zvicër. Për të stimuluar rritjen e saj, një rrjetë e përbërë prej organizatave të shumta partnere dhe ekspertëve të Forumit “Finanz und Wirtschaft”, ndan sivjet për të dytën herë çmimin “Swiss FinTech Awards”, shkruan “Finanz und Wirtschaft”. Me këtë çmim, në kuadrin e konferencës “Fintech2017 – Drivers of Change” do të shpërblehen zgjidhjet më të suksesshme zvicerane nga fusha e teknologjisë financiare, transmeton albinfo.ch.

Juria tashmë ka ngushtuar tashmë në katër finalistë rrethin që përbëhej nga 10 “Start-Up” (firma të themeluara rishtas).

Në kategorinë “Early Stage” për firmat që kanë më pak se dy vjet që janë themeluar, respektivisht kanë më pak se 2.5 milionë franga kapital të investuar hyjnë ndërmarrjet si platforma e patundshmërive “Crowdhouse” dhe ndërmarrja “Gatechain”, përcjell albinfo.ch. Në kategorinë “Grofth Stage” , për ndërmarrësit e rinj që kanë themeluar ndërmarrjet e tyre prej më shumë se dy vitesh dhe kanë filluar investimin me më shumë se 2.5 milionë franga, garojnë ndërmarrjet Bexio (për softuerë) dhe platforma “Qumram”.

“Ne bëjmë të gjitha punët e menaxhimit për klientë tanë”, thotë Ardian Gjeloshi,  bashkëthemeluesi dhe njëri nga tre anëtarët e bordit të “Crowdhouse”. Sipas tij, deri më tash përmes kësaj platforme tashmë rreth 9000 klientë kanë fituar patundshmëri me vlerë prej 105.3 milionë frangash, transmeton albinfo.ch. Dhe kjo tashmë ka arritur t`i bindë edhe “lojtarët” e mëdhenj financiarë. Nga vera e vitit 2016, pjesën e saj në Crowdhouse e ka edhe banka Kantonale e Lucernit, me ndihmën e së cilës, platforma e përmendur synon të zgjerojë më tutje  biznesin e vet.