Administrata e Trump, redukton ndihmat për Ballkanin

Administrata e presidentit Donald Trump ka vendosur që të ulin buxhetin shtetet ballkanike, së paku për 30 për qind

Qeverisja e re e presidentit republikan të SHBA-ve, Donald Trump po tregohet shumë kursimtare në relacion me vendet e Ballkanit. Kjo qeverisje ka vendosur që të ulin buxhetin shtetet ballkanike, së paku për 30 për qind. Kështu të paktën është reflektuar në buxhetin e këtij viti të organizatës amerikane për ndihmë ekonomike, zhvillimore dhe humanitare (USAID).

Vetëm për Kosovë, buxheti i Amerikës që jepet nëpërmjet projekteve do të ulet për 31 për qind, raporton gazeta Metro. Nga 39.5 milionë sa ishte buxheti i USAID-it për vitin e kaluar, këtë vit buxhet për Kosovën, Amerika do të ndajë rreth 30 milionë. Po ashtu, Shqipëria do të ketë ulje të madhe. Madje në Shqipëria ulja është rreth 66 për qind.

Ndërkaq, më së keqi nga kjo ulje do ta pësojë Mali i Zi. Siç raportohet, programi amerikan i USAID-it do të mbyllet në këtë vend në këtë vend.

Ndërkohë, shtetet tjera po ashtu do të kenë ulje nga projektet që mbështeten nga shteti amerikan. Bosnja dhe Hercegovina do të ketë ulje buxheti për 28 për qind , ndërsa Maqedonia do të merr po asht 31 për qind më pak sivjet. Edhe në Serbi, buxheti i USAID-it do të ulet për 33 për qind.