Arbana Xharra rrahet brutalisht

Policia e Kosovës ka konfirmuar se rasti ka ndodhur rreth orës 01:00 dhe në QKUK Xharra është sjellë nga bashkëpartiakët e saj

Arbana Xharra, ish kryeredaktorja e gazetës “Zëri”, e cila pak ditë më parë ka aderuar në Partinë Demokratike të Kosovës, është rrahur sonte brutalisht në një parking në Prishtinë. Siç shkruan gazetaexpress.com dhe mediat tjera të Prishtinës, Arbana, para se të vinte në Prishtinë, ishte e ftuar e Turijan Hyskajt  në emisionit të tij Oktapod, në televizionin Visionnplus, në Tiranë.

Arbana Xharra ka marrë ndihmën e parë në QKUK në Prishtinë.

Ndërkohë, Koha.net merr vesh se gjendja shëndetësore e Xharrës është stabile. Një gazetar i saj ka qenë në QKUK për të marrë informata mbi rastin.

Në spital kanë ardhur familjarë të saj si dhe bashkëpartiakë nga PDK-ja, parti në të cilën ajo aderoi këtë javë.

Policia e Kosovës ka konfirmuar minuta më herët për Koha.net se rasti ka ndodhur rreth orës 01:00 dhe në QKUK Xharra është sjellë nga bashkëpartiakët e saj.