Mbidoza nga droga vret më shumë njerëz në BE

Numri i vdekjeve për shkak të mbidozës së drogës është në rritje në Bashkimin Evropian, sipas raportit vjetor të Qendrës Evropiane e Monitorimit të Drogave dhe Varësisë nga Droga.

Rritja e numrit të vdekjeve, prania e vazhdueshme e substancave të reja psikoaktive dhe kërcënimi i shëndetit janë të lidhura me drogat sintentike që janë ndër problemet e identifikuara në raport, shkruan albinfo.ch.

Dokumenti thekson se vërehet rritje në praninë e kokainës. Mbi 93 milionë evropianë kanë provuar drogë gjatë gjithë jetës së tyre.

Në vitin 2015 në Evropë janë regjistruar 8441 vdekje nga mbidoza e drogës, kryesisht heroinës.

Sipas të dhënave të fundit, numri i vdekjeve që lidhen me metadon është më i madh se numri i vdekjeve nga heroina në Danimarkë, Irlandë, Francë dhe Kroaci.

Droga të reja mbetet një sfidë serioze për shëndetin publik në Evropë. Barnat e ashtuquajtura “droga designer” nuk janë të mbuluara nga kontrollit ndërkombëtar. Sistemi i BE-së për paralajmërim të hershëm nga viti i kaluar ka regjistruar 66 substancave psiko-aktive të reja.

Në Evropë dhe Amerikën e Veriut drogat sintetike me forcë të madhe të veprimit të ngjashme me ato të heroinës dhe morfinës janë një kërcënim në rritje për shëndetin.

Ndërmjet 2009 dhe 2015 në Evropë janë regjistruar 25 barna të reja sintentike.

Statistikat tregojnë se kokaina është droga më e përdorur zakonisht në Evropën Perëndimore dhe Jugore.

Rreth 17.5 milionë evropianë të moshës 15-64 përdoren kokainë në jetën e tyre. Grupi i  rreth 2.3 milionë janë të rinj (15 deri 34), që kanë përdorur drogë vitin e kaluar.

Sipas raportit rreth 87.7 milionë evropianë të moshës 15-64 vjeç kanë provuar kanabis në jetën e tyre. Rreth një për qind e evropianëve të rritur kanë përdorur kanabis pothuajse çdo ditë.