Nënshkruhet marrëveshja 50 milionë dollarëshe për Tiranë-Elbasan

Ministria e Financave e Shqipërisë, ka nënshkruar kontratën për marrjen e kredisë prej 50 milionë dollarësh nga Fondi i Abu-Dhabi-EBA.

Marrëveshja është nënshkruar nga ministri i Financave, Ridvan Bode, i cili ka zhvilluar një vizitë në Emiratet e Bashkuara Arabe më 15 dhjetor, por që lajmi është bërë i ditur tash nga Ministria e Financave, njofton Starti, bëjnë të ditur mediat shqiptare.

Sipas këtyre mediave, huaja do të shkojë për financimin e rrugës Tiranë-Elbasan, projekt i nisur tashmë.

Huaja që akordohet nga Fondi i Abu Dhabi-t, eshte pjese e një financimi total prej rreth 300 milionë dollarësh për të tre segmentet e autostradës Tiranë-Elbasan.