Aeroporti i Bazelit përcjell udhëtarin e 5 miliontë

Krahasuar me një vit më parë, është shënuar rritje prej 22 për qind e numrit të pasagjerëve

Aeroporti Basel-Mülhausen gjatë këtij viti ka shënuar rekord të numrit të pasagjerëve në krahasim me vitet e mëparshme.

Dje, nga ky aeroport ka udhëtuar pasagjeri i 5 miliontë i vitit, që, krahasuar me një vit më parë nënkupton rritje prej 22 për qind të numrit të pasagjerëve, shkruan drs.ch.

Megjithatë, Aeroporti Basel-Mülhausen ka kapacitet dukshëm më të vogël se dy aeroportet tjera, më të mëdha ndërkombëtare të Zvicrës.

Kështu, Aeroporti i Cyrihut “përpunon” brenda vitit mbi 20 milionë udhëtarë ndërsa ai i Gjenevës rreth 12 milionë sish.