Kosova është në rrugë të mirë për qëndrueshmërinë financiare

Për shkak të rënies së remitencave dhe anulimit të shumë projekteve ka rritje më të vogël ekonomike në Kosovë

Raporti i fundit i Fondit Monetar Ndërkombëtar vlerëson rritje më të vogël ekonomike në Kosovë për shkak të rënies së remitencave dhe anulimit të shumë projekteve.

Por, gazeta më e njohur austriake në fushën e Ekonomisë ‘Wirtschafts Blatt’, shkruan se Kosova është në rrugë të mirë për të arritur përsëri qëndrueshmërinë financiare të saj dhe për të vendosur marrëdhënie stabile me Fondin Monetar Ndërkombëtar.

Sipas kësaj gazete pritet që gjatë këtij viti, FMN-ja t’i lejojë Kosovës një kredi prej 75 milionë eurosh.

Ky konstatim bazohet në përfundimet e ekipit të FMN-së, i cili ka vëzhguar përparimet në fushën e financave në Kosovë.