Regjistrohen 684 shkelje të lirisë së mediave në Evropën Juglindore

Organizata e mediave në Evropën Juglindore- SEEMO, me seli në Vjenë ka bërë të ditur se liria e shprehjes gjatë 2011-së ka qenë në krizë në Evropën Juglindore.

Sipasa kësaj oragnizate, dënime me burg, presione, kërcënime përmes letrave, thirrje telefonike kërcënuese, vendosje të bombave, paraburgime dhe arreste shtëpiake, janë pjesë e masave që janë zbatuar ndaj gazetarëve në disa vendeve të kësaj pjese të Evropës, me qëllim që të mbyllin gojën nga raportimi objektiv.

SEEMO, thotë në vitin që lamë pas, janë regjistruar 684 shkelje të lirisë së mediave.

Sipas raportit të SEEMO-s, shkelja e lirisë së shprehjes është regjistruar në Kosovë, Shqipëri, Bosnjë-Hercegovinë, Bjellorusi, Bullgari, Kroaci, Qipro, Maqedoni, Mal të Zi, Serbi, Poloni, Rumani, Turqi, Ukrainë, Sllovaki, Slloveni, Hungari, Greqi, etj.

Beteja për lirinë e shtypit , sipas kësaj organizate, është betejë e përditshme dhe për këtë është e nevojshme që të kalohet një rrugë të gjatë.