Shtëpi e re për familjen me bonjakë

Familja Sejdiu e mbetur me pesë jetim nga fshati Gaçkë e Ferizajt bëhet me shtëpi të re falë kontributit të bashkatdhetarëve nga Zvicra

Për ndërtimin e shtëpisë mjete grumbulluan bashkatdhetarë me qëndrim në Pratel të Zvicrës. Enis Limani, aktivist nga Zvicra tha se do të vazhdojnë me projektet e tilla humanitare edhe në të ardhmen.

„Do të mundohemi edhe vitet e ardhshme që të ndihmojmë familjet tona jo vetëm vëllezërit tanë por edhe atyre që janë në nevojë dhe sa jemi atje do të jemi këtu për këtë vend“, ka thënë Limani

Në dorëzimin e çelësave të shtëpisë së re ka marrë pjesë edhe kryemami i Kosovës, Sabri Bajgora.

4„Është një moment kur duart tona, zemrat tona hapen për t‘i bashkuar për t‘i ndihmuar të tjerët“, ka thënë Sabri Bajgora..

Xhaxhai i pesë fëmijëve bonjakë ka falënderuar donatorët për ndërtimin e shtëpisë për nipërit dhe mbesat e tij.

„Falënderojë nga zemra të gjithë ata të cilët e morën këtë iniciativë edhe ia ndërtuan nipave e mbesave një shtëpi të bukur“, ka thënë Jashar Sejdiu.

Familjet nevojtare nuk do të mbeten të harruara zotohen mërgimtarët me qëndrim në Zvicër, iniciator të këtij projekti humanitar.

/Albinfo.ch & RTK/