Fillon zbatimi i marrëveshjes për diploma

Kryenegociatorja e Kosovës, Edita Tahiri, ka bërë të ditur se marrëveshja për njohje të diplomave universitare e arritur në Bruksel është e zbatueshme që nga ky muaj.

Sipas saj, kjo marrëveshje do të mundësojë njohjen e diplomave të studentëve që kanë kryer studimet në të gjitha universitetet në territorin e Kosovës, shkrujanë mediat e Kosovës.

Obligimin për implementimin e kësaj marrëveshje do ta ketë Asociacioni i Universiteteve Evropiane. Kurse, puna do të kryhet nga një përfaqësi që do të hapet në Prishtinë, e cila do të jetë zyra ku do të dorëzohen kërkesat nga studentët për nostrifikim të diplomave.

Ajo ka thënë se marrëveshja do të vlejë për të gjitha universitetet në territorin e Kosovës, përfishir edhe Universitetin e Mitrovicës.

Diplomat e Universitetit të Mitrovicës nuk njihen nga shumë vende evropiane, përfshirë dhe ato rajonale.