Premtohet eliminimi i barrierave tregtare

Ministrja e Tregtisë dhe Industrisë, ka theksuar se është duke punuar në reformat për të lehtësimin e ambientit për të bërë biznes

Ministrja e Tregtisë dhe Industrisë, Mimoza Kusari-Lila, ka theksuar përkushtimin e Qeverisë dhe të Ministrisë që drejton për iniciativat fiskale që janë duke u planifikuar në nivel të Qeverisë me qëllim të ngritjes së konkurrencës se produkteve të vendit në tregun vendor dhe atë rajonal.

Kurari –Lila, ka theksuar se është duke punuar në reformat për të lehtësimin e ambientit për të bërë biznes.

Ajo ka thënë se është e përkushtuar të vazhdojë punën për eliminimin e barrierave tregtare me qëllim që prodhuesit kosovar të kenë qasje sa më të lehtë në tregjet rajonale, evropiane dhe botërore.

Ajo së bashku me kryetarin e Odës Ekonomike të Kosovës, Safet Gërxhaliu ka qëndruar ne Gjakovë, ku ka vizituar 3 kompani me qëllim të ngritjes së dialogut publiko-privat dhe njoftimit më të afërt me punën dhe sfidat e bizneseve.

Në vazhdën e vizitave nëpër komuna, Ministrja Kusari-Lila, do të vazhdoj vizitën edhe nëpër komuna tjera për ngritjen e dialogut publiko-privat.