Dy gjermanë të tjerë u arrestuan në Turqi

Dy gjermanët u arrestuan në aeroportin e Antalia, tha zëdhënësja e Ministrisë së Jashtme të Gjermanisë, Maria Adebar.

Konsullata e Përgjithshme e Gjermanisë në Izmir u informua për arrestimin. Policia e Aeroportit konfirmoi arrestimin kur mori një pyetje nga konsullata gjermane.

Deri më tani, nuk ka pasur kontakt telefonike me të arrestuarit dhe qeveria gjermane po përpiqet të krijojë kontakte dhe të sigurojë kujdesin më të shpejtë konsullor për të burgosurit.

Adebar në Berlin tha se bëhet fjalë për “akuza politike” kundër të arrestuarve.

Turqia ka kapur dhjetëra mijëra njerëz me akuza për mbështetjen e organizatave terroriste që nga përpjekja për grusht shtet në korrik 2016.

Sipas MPJ gjermane, 55 qytetarë gjermanë aktualisht janë të burgosur në Turqi, 12 prej tyre për arsye politike duke përfshirë edhe dy të arrestuarit e fundit.

Të paktën katër nga 12 të burgosurit për arsye politike kanë shtetësi të dyfishtë, njoftoi Adebar, përcjell albinfo.ch.