Kosova, Shqipëria e Maqedonia, vende me demokraci pjesërisht të lira

‘Freedom House’ publikoi raportin vjetor për indeksin e lirisë në botë, ku vendet e Ballkanit janë në listën e shteteve pjesërisht të lira

Kosova, Shqipëria dhe Maqedonia janë vlerësuar si vende me demokraci pjesërisht të lira.

Kurse në raport jepen anët pozitive dhe negative për gjendjen e të drejtave të njeriut, lirisë së shprehjes dhe planin e reformave.

Në raportin vjetor për indeksin e lirisë në botë, theksohet se kryengritjet në botën arabe në vitin 2011 kanë frymëzuar njerëzit e shtypur kudo nëpër botë.

Raporti, gjithashtu thotë se për të gjashtin vit me radhë, ka rënë numri i vendeve, qytetarët e të cilave gëzojnë të drejta të plota politike dhe civile. Si vende pjesërisht të lira janë përfshirë edhe Bullgaria dhe Rumania.

Në raport thuhet se në vitin 2011, 87 vende mund të konsiderohen të lira, njësoj si në vitin 2010, shifër kjo që përfaqëson 43 përqind të popullatës së botës.

Numri i vendeve që kanë pësuar rënie të nivelit të lirisë që është 26 vende është më i madh sesa numri i vendeve që kanë pësuar rritje të nivelit të lirisë, që është vetëm 12 vende.

Rënia e nivelit të lirisë, sipas raportit, është parë në Iran, Bahrejn, Liban, Arabi Saudite, Siri, Emiratet e Bashkuara Arabe dhe Jemen.

Ndërsa përkeqësim të nivelit të lirisë ka në Azerbajxhan dhe Kazakistan, ndërsa dështime ka edhe në Hungari, Afrikë të Jugut dhe Ukrainë.