Heq dorë nga fushata për kthimin e artefakteve

Ministrisë së Kulturës ka hequr dorë nga fushata për kthimin e artefakteve nga Serbia. Institucioni më i lartë i kulturës në vend disa herë ka derdhur mjete në emër të kësaj fushate, që nuk ka prodhuar asgjë më shumë sesa disa posterë e ekspozita me titull “Duam të kthehemi në shtëpi tani”, shkruan Koha Ditore.

Vitin e kaluar MKRS-ja kishte ndarë 100 mijë euro për fushatën për artefaktet, por i kishte destinuar në projekte të tjera.

Këtë vit Ministria e Kulturës përfundimisht ka hequr dorë nga fushata që i ishte besuar Muzeut të Kosovës.

Paratë e ndara për kthimin e më shumë se 3 mijë artefakteve, të cilat Serbia dhunshëm i ka marrë nga Kosova me të përfunduar lufta, sipas kësaj gazette, sivjet nuk do të shfrytëzohen për të bërë fushatë.