Gjermanët votojnë, kush do të qeverisë me Berlinin?

Sondazhet e fundit parashikojnë një fitore të bllokut konservator CDU-CSU të kryesuar nga kancelarja gjermane, Angela Merkel

Keystone

Rreth 61.5 milionë votues mund të zgjedhin nga një total prej 4828 kandidatësh në zgjedhjet e së dielës.
Në Gjermani të dielën do të mbahen zgjedhjet për anëtarët e rinj të Dhomës së Ulët të Parlamentit federal, Bundestag. Votuesit gjermanë vendosin kush do të qeverisë me vendin në të ardhmen.

Zgjedhjet në Gjermani do të monitorohen nga afër në gjithë botën, sidomos në BE, duke qenë se Berlini është bastion i fundit i mbrojtjes së Bashkimit Evropian, të cilin do ta menaxhojë qeveria gjermane dhe do të ketë një ndikim në gjithë bllokun evropian, shkruan albinfo.ch.

Sondazhet e fundit parashikojnë një fitore të bllokut konservator të kryesuar nga kancelarja gjermane, Angela Merkel, të cilët përbëjnë Bashkimin e Krishterë Demokrat (CDU) dhe partia e saj bavariane, Bashkimi Social i Krishterë (CSU).

Sondazhet tregojnë se CDU / CSU pritet të fitojë mes 36 dhe 37 për qind të votave, shumë më përpara partnerit aktual të koalicionit, Partia Social Demokratike e Gjermanisë (SPD), ish-president i Parlamentit Evropian, Martin Schulz, që mund të shpresohet se do të ketë 22-23 për qind mbështetje.

Nëse këto parashikime janë të vërteta, asnjë palë nuk do të jetë në gjendje të qeverisë i vetëm vendin, kështu që duhet të shkohet në koalicion, siç është rasti me “koalicionin e madh” të tanishëm mes kristiandemokratëve dhe socialdemokratëve.

Kjo është arsyeja pse menjëherë pas zgjedhjeve pritet që palët të fillojnë të gjejnë mënyra për të siguruar një shumicë të qëndrueshme parlamentare.