Kapet për dokument të rremë, po kërkohej për vrasje

Një shqiptar 33 vjeçar gjatë një kontrolli të dokumenteve që i është bërë në Rosenheim (Bajern) rezultoi se kishte dokument të falsifikuar udhëtimi. Për këtë arsye ai u arrestua nga policia gjermane dhe iu dorëzua policisë austriake.

Vetëm edhe pak i duhej që ta lironin nga paraburgimi kur , kur konstatohet se personi në fjalë ishte një shqiptar që po kërkohej nga policia italiane për vrasje. Ai, sipas policisë, po dyshohej se me rastin e një zënke për drogë, kishte vrarë një shqiptar tjetër në Vigevano të Italisë.

Dy bashkëkryesit e veprës qenë kapur nga policia ndërsa vrasësi kishte mundur të ikte. Tash, në bazë të urdhërarrestit evropian ai u arrestua nga policia gjermane, e cila ia ka dorëzuar atë prokurorisë në Insbruck të Austrisë.