Reklama për Kosovën sërish në CNN

Për një vit, spotet do të transmetohen 1580 herë në CNN

Ministria e Tregtisë dhe Industrisë dhe Agjencia për Promovim të Investimeve kanë ndërmarrë iniciativë për të bashkëpunuar me mediumin e njohur CNN, për një kampanjë njëvjeçare, që do të ketë qëllim promovimin e potencialeve ekonomike, investuese dhe turistike të Kosovës. Spotin do ta përgatis CNN Tunner Commercial Production.

Zëdhënësja e Ministrisë së Tregtisë dhe Industrisë (MTI), Arta Istrefi, tha për Telegrafin se gjatë këtij viti do të realizohen tri spote me CNN. Spoti i parë do të shfaqet më 17 shkurt, për katër vjetorin e pavarësisë së Kosovës, ndërsa në muajt në vijim do të prezantohen aspektet kryesore të ekonomisë, që nënkupton përfshirje të sektorëve të bizneseve, si dhe shoqërisë kosovare si tërësi.

Istrefi ka treguar se spoti i parë do të jetë 15 sekonda, ndërsa dy spotet tjera do të jenë nga 30 sekonda. Gjithsej, për një vit, spotet do të transmetohen 1580 herë në CNN.

CNN është kanali numër një në botë, i instaluar në 255 milionë shtëpi dhe dhoma hoteli, duke mos përfshirë SHBA-të këtu.

Ndryshe Qeveria e Kosovës, për ta rritur imazhin e shtetit më të ri në botë, ka paguar 5.8 milionë euro për fushatën reklamuese “Young Europeans”