Tri vjet i vdekur në banesë, e zbulojnë pëllumbat!

Muzika nga radioja ka ngjallur dyshimet. Ajo është ndezur nga pëllumbat që kishin hyrë përmes dritares së hapur

Në një banesë në Strasburg (Francë) është gjetur kufoma e një të moshuari i cili kishte vdekur rreth tre vjet më parë. Kufoma e tij, siç njofton prokuroria shtetërore e Strasburgut, është gjetur në vikendin e kaluar nga zjarrfikësit.

Mbetet e paqartë se si ka mundur të mos binte në sy mungesa e një personi për një kohë kaq të gjatë! Por ajo që dihet, është se pagesën e qirasë dhe të energjisë elektrike, personi e kishte rregulluar që t`i bëhej në mënyrë direkte nga banka, shkruan swissinfo.ch.

Mënyra se si ishte zbuluar kufoma, ishte fare aksidentale. Një fqinje kishte dëgjuar se nga banesa e plakut prej disa ditësh dëgjohej radioja dhe në fund kishte vendosur të njoftonte policinë. Sipas policisë, radioja ka mundësi të jetë ndezur nga pëllumbat që kishin hyrë në dhomë përmes dritareve të hapura.