Uganda njeh Kosovën, shtet të pavarur

Me këtë njohje Republika e Ugandës bëhet shteti i 88-të që e njeh pavarësinë e Kosovës

Republika e Ugandës ka njohur pavarësinë e Kosovës.

Siç bëri të ditur këshilltari i zëvendëskryeministrit të parë të Kosovës, Behxhet Pacolli, Jetlir Zyberaj, një konferencë për media, Republika e Ugandës e ka njohur sot Kosovën, shtet të pavarur.

Këshilltari në fjalë në konferencë solli më vete edhe letrën verbale të këtij shteti.

Me këtë njohje Republika e Ugandës bëhet shteti i 88-të që e njeh pavarësinë e Kosovës.

Sipas tij, nota verbale kishe ardhur në adresë të zyrës së zëvendëskryeministrit Pacolli, pasi që, siç tha ai, ai ka qenë edhe kanali i vetëm që ka realizuar lobim për njohje të Kosovës nga ky shtet.