Për SHBA-në dhe BE-në, Kosova e Serbia kanë të ardhme evropiane

Ne ndajmë pikëpamjen se a ardhmja e të dyjave, Serbisë dhe e Kosovës qëndron në BE", ka thënë Clinton, pas takimit me Ashtonin

Sekterarja amerikane e shtetit Hillary Clinton dhe shefja e diplomacisë së BE-së Catherine Ashton, kanë theksuar se për SHBA-në dhe BE-në, Kosova e Serbia kanë të ardhme evropiane.

“Ne ndajmë pikëpamjen se a ardhmja e të dyjave, Serbisë dhe e Kosovës qëndron në Bashkimin Evropian”, ka thënë Clinton, pas takimit me Ashtonin, të mbajtur në Washington.

Gjithashtu, ajo ka konfimruar se Shtetet e Bashkuara të Amerikës mbështesin fuqishëm dialogun të cilit po i prin BE-ja për të avancuar integrimet evro-atlantike të Serbisë e Kosovës.

Clinton, ka theksuar se edhe zëvendës sekretari amerikan William Burns, i cili këto ditë po i bën vizitë vendeve të Ballkanit, do të inkurajoj të dy palët që të jenë më fleksibile dhe më të hapura ndaj kompromiseve.

Shefja e diplomacisë së BE-së Catherine Ashton, ka thënë se situata në Serbi e Kosovë, padyshim është shumë e rëndësishme për Bashkimin Evropian dhe sipas saj, ardhmëria e të dyjave është BE-ja.

“Ekipi ynë po punon nga afër me të dyjat për të ardhmen e Serbisë dhe të Kosovës” ka deklaruar Ashton.

Ajo ka shprehur shpresën se Serbia e Kosova do të jenë në gjendje të punojnë në bazë të planit të BE-së që ka për këto vende.

Sipas saj, me këtë plan Serbia do ta fitojë statusin e kandidatit dhe Kosova do të ecë më tutje me vizat, tregtinë, mbështetjen ekonomike dhe eventualisht edhe me të ardhmen e saj drejt Bashkimit Evropian.