Maqedonia mbetet vend transit për emigrantët

Janë kapur 173 emigrantë të huaj, të cilët janë deportuar dhe janë mbajtur përkohësisht nëpër qendrat e azilit

Maqedonia vazhdon të jetë një vend transit për emigrantët e huaj, theksojnë raportet e fundit ndërkombëtare. Por edhe raportet vendëse alarmojnë situatën lidhur me praninë e emigrantëve të huaj, që për çdo ditë përshkojnë territorin e Maqedonisë.　

Në raportin vjetor të MPB-së lidhur me trafikimin e emigrantëve, theksohet se Maqedonia vitin e kaluar ka qenë një territor transiti për emigrantët me origjinë nga Lindja e Mesme dhe vendet afrikane., raporton INA.

“Ata udhëtonin dhe qëndronin përkohësisht në Maqedoni, duke pasur si synim më pas vendet evroperëndimore. Është një numër i vogël i emigrantëve të huaj ilegal që kanë ngelur në Maqedoni”, thekson raporti.　

Sipas MPB-së, vitin e kaluar nëntë shtetase shqiptare dhe dy serbe, që janë kapur për qëndrim ilegal si emigrante të huaja kanë ngelur në Maqedoni për shkak të punësimit të tyre.　

Sipas të dhënave, janë kapur 173 emigrantë të huaj, të cilët janë deportuar dhe janë mbajtur përkohësisht nëpër qendrat e azilit.

Nga emigrantët e huaj më së shumti kanë qenë 33 afganë, 18 pakistanezë, 11 somalezë dhe marokenë dhe pjesa tjetër algjerianë, libianë, tunizianë, etj. /ina&albinfo/