Posselt, kërkon luftimin e korrupsionit në Kosovë

Europarlamentari gjerman Bernd Posselt, ka kërkuar nga institucionet e Kosovës që ta luftojnë korrupsionin dhe krimin e organizuar, si e vetmja mundësi që shteti më i ri evropian të shkojë përpara.

Ai ka thënë se Kosova ka bërë progres në disa fusha, derisa kërkon edhe më shumë punë nga kosovarët.

Sipas tij, pavarësisht që Policia e Kosovës arrestoi tre pjesëtarë të BND-së, marrëdhëniet ndërmjet Kosovës dhe Gjermanisë vazhdojnë të jenë shumë të mira.

Eurpoparlamentari Posselt, i cili njihet si mbështetës i pavarësisë së Kosovës, ka folur edhe për kosovarët që jetojnë në Gjermani dhe në vende të ndryshme të BE-së. “Unë mendoj që duhet shumë shpejt liberalizuar gjërat në interesin e kosovarëve që jetojnë në vendet tona. Ata janë shumë të vlefshëm për shoqërinë tonë”, ka deklaruar Posselt./zëri&albinfo/