Prej sot, Zvicra me televizion HD

Në krahasim me deri tash, fotografia me të renë është pesë herë më e pastër dhe më e qartë

Televizioni i Zvicrës ka filluar sot emetimin e programit të tij në kualitetin e lartë HD (High Definition). Në krahasim me deri tash, fotografia me të renë është pesë herë më e pastër dhe më e qartë, njofton sf1.

Ky është ndryshimi më i madh në historinë e televizionit zviceran pas ndryshimit, në vitet shtatëdhjeta, nga televizorët bardh e zi në ata me ngjyra.

Që të mund të merret sinjali me HD, duhet që edhe aparati televiziv të jetë i pajisur me teknikën përkatëse.

Llogaritet se shumë zviceranë nuk do të mund të shijojnë këtë përparim teknik për faktin se u mungojnë aparatet adekuate. Shoqata e e operuesve kabllorë Swisscable ka vlerësuar se janë rreth 1 milion e 300 mijë shikues që do të goditen nga ky ndryshim. Kjo për arsyen se operuesit në fjalë duhet të kufizojnë ofertën e tyre analoge për t`i bërë vend televizionit HD.