Pak eksport për në Serbi

Eksporti i Kosovës në gusht 2011 në Serbi ka qenë 1 milion euro, shumë kjo më e larta e eksportit për vitin e kaluar

Kosova po eksporton sasi të njëjtë të mallrave në Serbi. Madje në kohën kur zyrtarisht ka qenë në fuqi embargoja e Serbisë ndaj mallrave kosovare, përkatësisht në gusht 2011, sipas Entit të Statistikave të Kosovës, vendi ka eksportuar më së shumti mallra në këtë shtet fqinj, njofton Zëri.

Eksporti i Kosovës në gusht 2011 në Serbi ka qenë 1 milion euro, shumë kjo më e larta e eksportit për vitin e kaluar.

Adriatik Stavileci, zëdhënës i Doganave të Kosovës, ka deklaruar se muajin e kaluar Kosova ka eksportuar mallra në Serbi në vlerë prej 491 mijë euro, ndërsa në janar 2012 kishte eksportuar 275 mijë euro.

Bazuar në statistikat zyrtare të ESK-së, eksporti i përgjithshëm i Kosovës gjatë vitit 2011 ka qenë mbi 6 milionë euro, përkundër 300 milionë euro sa është importi i përgjithshëm nga Serbia.

Në dhjetor të vitit 2011 Kosova ka eksportuar mallra në Serbi në vlerë prej 859 mijë euro.

Në dhjetor të vitit të kaluar përqindja më e madhe e eksportit të vendit ishte drejtë Italisë(28 për qind), Shqipëri 11.5 për qind, Maqedoni 10.9%, Zvicër 8.7%, Kinë 7.7 për qind dhe Serbi 4 për qind