Lunaçek: Anëtarësimi i Serbisë në BE të kushtëzohet me Kosovën

Raportuesja e Parlamentit Europian për Kosovën, Ulrike Lunaçek thotë se data e fillimit të negociatave për anëtarësim të Serbisë në BE duhet të kushtëzohet me përparim të mëtejmë në raport me Kosovë

“Komisari europian Stefan Fule lidhur me këtë çështje është i qartë. Shpresoj se edhe Vjena do ta shtojë presionin ndaj Serbisë dhe qartë do t’ia bëjë me dije se pa përmirësim vendimtar të marrëdhënieve me Kosovën nuk ka fillim negociatash”, ka thënë ajo në një shkrim autorial botuar në “Die Presse” të Vjenës.

Lunaçek ka thënë se kompromisi për të cilin u detyrua Beogradi tregon se ka qenë e drejtë shtyrja që Këshilli i Europës bëri në dhjetorin vjetëm për statusin e kandidatit Serbisë për takimin pranveror.

Ajo thotë se për normalizimin e marrëdhënieve me Kosovën duhet të shtyhen edhe ato pesë vende të BE që nuk e kanë njohur pavarësinë e saj.