Doris Pack, kundër zgjedhjeve serbe në Kosovë

Eurodeputetja, Doris Pack e ka kundërshtuar vendimin e Serbisë për të organizuar zgjedhje edhe në Kosovë.

Ajo ka thëqnë se kjo është në kundërshtim me kriteret e BE-së lidhur me Serbinë si vend me statusin kandidat dhe me rezolutën 1244 por njëkohësisht mund të prodhojë konflikt ndëretnik sidomos në veri të Kosovës.

Eurodeputetja Doris Pack, ka vlerësuar se vendimi i Serbisë për të organizuar zgjedhje edhe në Kosovës është në kundërshtim me vendimin e Komisionit Evropian që i dha Serbisë statusin e vendit kandidat për në BE si dhe në kundërshtim me rezolutën 1244.

Ajo i ka bërë thirrje Komisionit Evropian që të mos hesht përballë këtij vendimi dhe të marrë hapa konkret për ta detyruar Beogradin që të heqë dorë nga mbajtja e këtyre zgjedhjeve edhe në Kosovë.