Belgjika parandalon azilkërkuesit nga Ballkani

Qeveria e Belgjikës e ka miratuar një listë të vendeve të sigurta. Vendimi është paraparë për të ndihmuar në procedimin më të shpejtë të kërkesave për azil në këtë vend.

Shumica e vendeve në listë janë të Ballkanit, si Shqipëria, Kosova, Bosnja dhe Serbia.

Ndodhja e tyre vendeve në këtë listë praktikisht nënkupton se shtetasit e këtyre vendeve do të kenë pothuajse të pamundur të sigurojnë azil politik në Belgjikë.

Sekretarja e Shtetit për Azil, Maggie De Block, ka thënë se lista duhet të ketë një efekt parandalues, dhe duhet të çojë në një rënie të numrit të aplikantëve për azil.

Në të ardhmen, kërkesat për azil në Belgjikë nga shtetasit e vendeve që ndodhen në këtë listë duhet të procedohen brenda 15 ditësh.

Një e pesta e të gjithë azilkërkuesve në këtë vend vitin e kaluar vinin nga shtetet e Gadishullit Ballkanik dhe nga India. (De Redactie&albinfo)