Shqiptarët braktisin Greqinë, investojnë në Shqipëri

Kriza e rëndë ekonomike që ka përfshirë Greqinë ka bërë që një numër i konsiderueshëm emigrantësh shqiptarë të hapin biznes të ri në Shqipëri ose ta transferojnë atë.

Ekspertët e Ekonomisë thonë se klima e favorshme e biznesit, siguria dhe eksperienca e punës që kanë siguruar në vendin fqinj, janë tre prej arsyeve që emigrantët kanë vendosur të investojnë në vendin e tyre, raportojnë mediat e Tiranës.

Ekonomistët e shohin këtë si një hap pozitiv për ekonominë shqiptare, kjo sepse rrit punësimin si dhe cilësinë e shërbimeve.

Turizmi, Bujqësia, si dhe bizneset e shërbimeve janë disa prej sektoreve ku kanë investuar emigrantët shqiptarë të kthyer nga Greqia.

Edhe shifrat zyrtare greke të publikuara pak ditë më parë flasin për një nxjerrje të kapitalit jashtë Greqisë prej afro 500 milionë eurosh nga emigrantët shqiptarë gjatë vitit të kaluar.

Para këto që janë depozituar në bankat shqiptare apo janë investuar në ekonomi.