Zemërimi i ambasadorit amerikan në Moskë

Skena është shumë e pazakontë. Ajo shkel të gjitha rregullat e komunikimit diplomatik, të cilat përcillen shpesh fjalë për fjalë nga mediat.

Të enjten, më 29 mars, e përditshmja “Le Monde” raporton për një rast të jashtëzakonshëm. Gazetarët intervistojnë aAmbasadorin amerikan në Rusi, Michael McFaul, i cili sapo del nga makina e tij për të hyrë në një ndërtesës në Moskë, ku është i pritur nga Lev Ponomarev, një veteran i mbrojtjes së të drejtave të njeriut. Në trotuar, diplomatit i duhet së pari të kalojë para një ekipi të televizionit NTV Rusia, një pronë e grupit Gazprom Media, i njohur sikur shumë i afërt me qeverinë në pushtet.

Gazetari e pyet duke insistuar për takimin që ka si dhe për kontaktet që mban me opozitën. Në video shihet se tensioni rritet shumë shpejt. Në vend se të hyjë shpejt në ndërtesë, Michael McFaul lëshohet në fjalë me gazetarët. Zemërimi i tij është i dukshëm. Ambasadori u kthehet gazetarëve, duke u kërkuar atyre të bëjnë një takim në mënyrë zyrtare.

Aty për aty, tregon e përditshmja, ambasadori i pyet gazetarët për burimin e informatave të tyre. Si është e mundur që ata të jenë gjithnjë në dijeni për çdo lëvizje që bënë ai? Mos, vallë, telefoni i tij është i përgjuar, gjë që do të ishte e papranueshme, thekson ambasadori me shumë neveritje. Këtë pyetje ambasadori në fjalë e ka shtruar gjithashtu përmes Tëeeter-it. “Kudo që unë shkoj, NTV-ja është atje. Pyes veten se kush u ka dhënë atyre kalendarin tim? Shtypi ka të drejtë për të më xhiruar kudo që shkoj, por ata nuk kanë të drejtë të lexojnë email-at e mi dhe të përgjojnë telefonin tim”.