“Bild”-i gjerman padit ministren Sommaruga!

Gazeta si motiv ka përmendur urdhërarrestet që i kanë lëshuar autoritetet zvicerane për tre hetues tatimorë gjermanë

Gazeta bulevardeske gjermane “Bild” ka ngritur padi penale në Berlin ndaj ministres zvicerane të drejtësisë Simonetta Sommaruga. Bazë për këtë padi, gazeta ka përmendur urdhërarrestet që i kanë lëshuar autoritetet zvicerane për tre hetues tatimorë gjermanë. Veprat penale për të cilat fajësohet ministrja zvicerane janë “tentim i marrjes së lirisë, detyrimi dhe ndihma për të kryer evazionin fiskal”.

Policia ka konfirmuar ardhjen e padisë.

Vetë sommaruga nuk ka dashur të prononcohet në lidhje me padinë.

Këto ditë ka qenë shumë aktual konflikti tatimor në mes të Zvicrës dhe Gjermanisë. Ai ka kulmuar kur Zvicra ka shpallur urdhërarrest për shkelje të sekretit bankar ndaj tre hetuesve tatimorë të Gjermanisë.