Vdes çiklisti pasi u godit me veturë

Ky person nga fshati Llukar ka humbur jetën si pasojë e lëndimeve të marra gjatë goditjes me veturë. I dyshuari i cili drejtonte makinën është arrestuar

Një qytetarë i Kosovës, nga rajoni i Prishtinës, ka vdekur në Qendrën Klinike Universitare, pasi u godit nga një veturë derisa po ngiste biçikletën. Ky person nga fshati Llukar ka humbur jetën si pasojë e lëndimeve të marra gjatë goditjes me veturë. I dyshuari i cili drejtonte makinën është arrestuar.

Me urdhër të prokurorit trupi i pajetë është dërguar në Institutin e Mjekësisë Ligjore për obduksion, ndërsa i dyshuari është dërguar në paraburgim.

Rastet, kur kalimtarët dhe personat me biçikletë po goditen nga veturat nuk janë të rralla. Mungesa e shtegut për biçikleta, rrugët e pa mirëmbajtura dhe shoferët e pandërgjegjshëm kanë bërë që rrugët nëpër Kosovë të shndërrohen shpesh në skena krimi.

Ndryshe, vetëm brenda 15 vjetëve të shkuara, më shumë se 2000 kosovarë e kanë humbur jetën në aksidente komunikacioni, ndërsa mijëra të tjerë kanë mbetur invalidë të përhershëm. Ndërsa bazuar në statistikat e Policisë së Kosovës, që nga viti 2002, në aksidente të trafikut rrugor, kanë humbur jetën 2118 persona, ndërsa kanë ndodhur 225571 aksidente.