Miratohet raporti i Komisionit për Demarkacionin

Komisioni konstatoi se vija kufitare Kosovë-Mali i Zi nuk është në përputhje me vijën administrative të ish-Jugosllavisë

Komisioni për shënjimin e vijës kufitare Kosovë-Mali i Zi, ka përfunduar raportimin para Qeverisë së Kosovës.

Kryeministri i Kosovës, Ramush Haradinaj ka bërë të ditur se tashmë është votuar që të kalohet në Kuvendin e Kosovës raporti apo marrëveshja për demarkacionin me Malin e Zi, përcjell albinfo.ch.

Zëvendëskryeministri Enver Hoxhaj, kritikoi këtë raport duke thënë se anëtarët e këtij komisioni nuk ofruan gjetje të reja.

“Dëgjova shumë vlerësime të përgjithshme, por jo ndonjë fakt apo dëshmi konkrete. Nuk ishit konkret, nuk pash ndonjë qartësi të re”, ka thënë Hoxhaj.

Komisioni konstatoi se vija kufitare Kosovë-Mali i Zi nuk është në përputhje me vijën administrative të ish-Jugosllavisë.