Aeroporti i Prishtinës me pajisje për sezonin e dimrit

Në njoftimin për media thuhet se APN ka investuar me shumë se 75,000.00 euro për pajisjen e re

Aeroporti Ndërkombëtar i Prishtinës ‘Adem Jashari’ njofton se është bërë me pajisje të re për sezonin e dimrit, e cila njihet si Skidometër dhe shërben për matjen e rrëshqitshmërisë në pistë, transmeton albinfo.ch.

Në njoftimin për media thuhet se APN ka investuar me shumë se 75,000.00 euro për pajisjen e re.

“Është pajisje e integruar në makinë për dallim nga pajisja e mëhershme dhe operimi i saj bëhet nga monitori ‘touch screen’ i vendosur brenda në makinë. Është pajisja e teknologjisë së fundit në treg Skidometër BV11 e cila para ardhjes në aeroport ka qëndruar e ekspozuar në ekspozitën në Mynhen të Gjermanisë si shembull i pajisjes më të re dhe e vetmja e këtij lloji në rajon”, thuhet në njoftim e APN-së.