Nxënësit kosovarë shpërblehen në gara ndërkombëtare

Nxënësit e programit “Brainobrain” që morën pjesë janë: Edi Berisha, Erion Janova, Robert Rodiqi, Butrnint Sejdiaj, Eron Selimi, Dior Azemi. Këta nxënës u shpërblyen me pesë trofe dhe një medalje të artë

Gjashtë nxënës të shkollave të Kosovës janë shpërblyer në garat internacionale në Dubai në mesin e 40 qendrave të 12 shteteve si : Kosova, Sllovenia, Zagreb, Oman, Emiratet e Bashkuara, Nigeria, Qipro, Kuvaijt, Irlanda, Baharain, India.

RTK raporton se nxënësit e programit “Brainobrain” që morën pjesë janë: Edi Berisha, Erion Janova, Robert Rodiqi, Butrnint Sejdiaj, Eron Selimi, Dior Azemi, me trajneret e tyre Adella Rodiqi, Besa Sanaja, Dafina Dubova.

Këta nxënës u shpërblyen me pesë trofe dhe një medalje të artë.

Programi i “Brainobrain” mundëson përcjelljen e trendeve më të reja botërore të zhvillimit, duke mundësuar që fëmijët e njëkohësisht edhe ne si shoqëri të jemi në hap me kohën. “Brainobrain” është program i ri i avancimit të aftësive të fëmijëve me qëllim të formësimit dhe theksimit të shkathtësive të tyre ekzistuese. Qëllimi kryesor i programit është rritja e koncentrimit, vetëbesimit, memories, kreativitetit dhe shpejtësisë në punë.

“Brainobrain” bazohet në fuqinë e të menduarit, numëratoren dhe shkencën më të re në programimin neurolinguistik. Kombinimi i tillë ofron ndër programet më të avancuar të zhvillimit të aftësive te fëmijët në botë.