Fillon mësimi zgjedhor i gjuhës shqipe në shkollat turke

“Sot filloi mësimi i gjuhës shqipe si lëndë zgjedhore nëpër shkollat fillore të Turqisë. Për të dhënë mësimin e parë (si mysafir) në Izmir i kam bërë rreth 600 km”. Kështu shkruan Qamil Bytyçi (Kamil Bitiss) në një postim të tij të bërë sot  në facebok. Bytyqi është drejtor i Qendrës Kulturore të Kosovës që funksionon në Stamboll nga viti 2013, shkeruan albinfo.ch.

“Pasi e dhash mësimin e parë, pa pushuar fare, menjehere u nisa per ne Stamboll ku do t’i beja edhe 600 km. ne kthim. Por besoj se ia vlen ky mundim që ta kem nderin në këtë ditë të rëndësishme të jem i pari që jap mësimin e parë të gjuhës së bukur shqipe në Turqi”, shpreh më tutje entuziazmin e vet për këtë ngjarje, Bytyçi.

Me këtë rast dua ta falënderoj kryetarin e shoqatës “Shoqata Kulturore Shqiptare ne Turgutlu” z. Mehmet Yenir (Petrovci) me kryesinë për mbështetjen në këtë drejtim, shkruan Qamil Bytyçi në fund të postimit të tij.