Skip to content

Rita Ora në rolin e shkencëtares në filmin e ri “The Signalers”

Artistja shqiptare do të luajë përkrah Tom Hopper dhe Mila Harris në thrillerin fantastiko-shkencor, xhirimet e të cilit kanë nisur.

Këngëtarja dhe aktorja Rita Ora është bërë pjesë e kastit të filmit të ri fantastiko-shkencor “The Signalers”, ku do të interpretojë rolin e një shkencëtareje, shkruan Variety, përcjell albinfo.ch.

Në këtë projekt, ajo do të luajë përkrah Tom Hopper dhe Mila Harris. Në kast janë përfshirë edhe Missi Pyle dhe Nolan North.

Filmi ndjek historinë e një kontrollori të trafikut ajror dhe mbesës së tij, të cilët zbulojnë një sinjal të pashpjegueshëm në një zonë të izoluar të Kanadasë. Sinjali shkakton fenomene të çuditshme dhe të rrezikshme, duke i shtyrë të kërkojnë origjinën e tij.

Gjatë kërkimeve, ata takojnë shkencëtaret e interpretuara nga Rita Ora dhe Missi Pyle, të cilat po hetojnë të njëjtin fenomen. Përpjekjet e tyre i çojnë drejt zbulimit të një force të panjohur që po zgjohet.

Xhirimet kanë nisur, ndërsa regjinë e mban Gille Klabin. Skenari është shkruar nga Cate Carson dhe filmi është projekt i kompanisë Gramercy Park Media./Albinfo.ch