Më shumë para për kthimin vullnetar të azilkërkuesve

Qeveria zvicerane ka vendosur të rrisë fondet për të stimuluar kthimin vullnetar të azilkërkuesve dhe refugjatëve.

Kështu, të paraburgosurit mund të përfitojnë deri në 2 mijë franga nëse deklarojnë vullnetarisht largimin e tyre nga Zvicra. Personi duhet të jetë i gatshëm për të ndihmuar në mënyrë aktive në sigurimin e dokumenteve të udhëtimit. Paratë do t’i marrin vetëm pas mbërritjes.

Për të shpejtuar dëbimin, gjithashtu mund të përfitojnë një kompensim të udhëtimit deri në 500 franga edhe personat e ndaluar, nëse ata deklarojnë vullnetarisht largimin nga Zvicra. Deri më tani kompensimi i tillë ishte vetëm 100 franga.

Kthimi vullnetar do të kompensohet shtesë prej 200 frangash edhe për transportin e bagazheve të refugjatëve.

Gjysmë milioni franga më shumë në vit do t’i kushtojë Zvicrës fondi i ri dedikuar kthimit vullnetar.

Këto kosto shtesë në bazë të kursimeve të Qeverisë zvicerane do të kompensohen me shmangien e fluturimeve speciale për dëbimit të refugjatëve.