Millosheviqi, ka pasur agjentë të tij, në Kosovë, Shqipëri e Maqedoni

Kryekrimineli i Ballkanit që ishte president i Serbisë, Sllobodan Millosheviq ka pasur në Ballkan 2 mijë e 200 agjentë, të cilët kanë punuar për Shërbimin e Sigurimit Shtetëror serb, thuhet në raportin e forumit, i cili është mbajtur këto ditë në Bruksel, ku është shqyrtuar roli i ish-shërbimeve sekrete në Ballkan, raporton portali bullgar “actualno.com”.

Millosheviq më së shumti agjentë ka pasur në Kosovë, rreth 700 që kanë punuar për Serbinë.

Në shtetet tjera të ish-jugosllave Millosheviq ka pasur 150 agjentë në Slloveni, 200 në Mal të Zi, 350 në Bosnjë e Hercëgovinë, 450 në Kroaci dhe së paku 150 kanë qenë në Maqedoni.

Raportohet se Millosheviq ka pasur agjentë dhe në Bullgari, Shqipëri, Greqi, Rumani dhe disa shtete të evropës lindore dhe qëndrore.

Në këtë Forum kanë marrë pjesë ish-agjentë, përfaqësues nga të gjitha shtetet socialiste, tani vende anëtare të NATO-s, përfaqësues dhe ekspertë për siguri, ku qëllimi kryesor ka qenë të analizohet puna e ish-sigurimit shtetëror nga viti 1049 deri në vitin 2010.