Dick Marty dëshmon në shtator

Gjyqtari Sedek ka thënë se do të kërkon nga Këshilli i Evropës që t’i hiqet imunitetin Martyt, në mënyrë që ai të mund të dëshmojë në shtator. Ish-senatori Zviceran, Dick Marty nuk ka dëshmuar të hënën në Prishtinën për rastin “Medicus” në cilësinë e dëshmitarit, edhe pse ishte paralajmëruar nga mediet kosovare disa muaj më […]

Gjyqtari Sedek ka thënë se do të kërkon nga Këshilli i Evropës që t’i hiqet imunitetin Martyt, në mënyrë që ai të mund të dëshmojë në shtator.

Ish-senatori Zviceran, Dick Marty nuk ka dëshmuar të hënën në Prishtinën për rastin “Medicus” në cilësinë e dëshmitarit, edhe pse ishte paralajmëruar nga mediet kosovare disa muaj më herët. Ai si raportues i Këshillit të Evropës (KE) ka imunitet dhe procedura e dëshmisë së tij, siç ka thënë gjyqtari, mund të vonohet.

Gjyqtari që udhëheq procesin “Medicus”, Arkadius Sedek ka thënë se kërkesa ka arritur në KE dhe se janë në pritje të përgjigjes për ardhjen e Martyt. Ky i fundit, ndërkaq sipas deklatarbe që kanë dhënë më herët përfaqësuesit e EULEX -it, është dashtë të dëshmojë sot për rastin “Medicus”

Gjyqtari Sedek ka thënë se do të kërkon nga KE që atij t’i hiqet imuniteti, në mënyrë që të jetë i gatshëm deri në shtator të dëshmojë.

Në vazhdimin e seancës gjyqësore, të hënën janë dëgjuar dy dëshmitarë, të cilët kanë paguar shuma të larta parash për transplantim të veshkave. Njëri ka dëshmuar nëpërmjet videolidhjeve nga Izraeli dhe ka deklaruar se ka dhënë 77 mijë euro për blerjen e një veshkë.

Ky dëshmitar thotë se në Izrael kishte takuar mjekun Moshe Harrel i cili kishte siguruar se në Kosovë gjendet veshka për 77 mijë euro. Ai ka thënë se 17 mijë euro i ka paguar në Izrael si dëshmi, ndërsa operacionin e transplantimit e kishte kryer mjeku Yousuf Sonmez.