FBI angazhohet në rastin Asanaj

Ambasada Amerikane në Prishtinë konfirmon se në rastin Asanaj do të angazhohet edhe FBI

Qeveria e Shteteve të Bashkuara të Amerikës ka pranuar kërkesën e Qeverisë së Kosovës që të sjell në Kosovë hetuesit Byrosë Federale të Hetuesisë (FBI) për të ndriçuar rastin e vdekjes së Dino Asanajt, kryetar i Bordit të Agjencisë Kosovare të Privatizimit dhe njëherit nënshtetas i SHBA-së.

Nëpërmjet një kumtese për medie lëshuar nga Ambasada Amerikane në Prishtinë, thuhet se kërkesa e Qeverisë së Kosovës për ndihmë nga FBI është pranuar. “Qeveria e Kosovës ka kërkuar ndihmë nga Shtetet e Bashkuara të Amerikës për të hetuar vdekjen e z. Dino Asanaj…Pasi që e konsideron si të duhur Qeveria Amerikane është pajtuar të ofroj ndihmë, kështu që Byroja Federale e Hetuesisë (FBI) pran Departamentit Gjyqësorë të Shteteve të Bashkuara ka komunikuar me Policinë e Kosovës për hapat e mëtutjeshëm”, thuhet në njoftim.

Ndryshe, dy ditë më parë, Qeveria e Kosovës, përmes një letre dërguar autoriteteve amerikane, kërkoi që SHBA-të të përfshihen në hetimet rreth vdekjes së Dino Asanajt.“Asistenca e SHBA-ve në gjetjen e provave dhe ekzaminimeve, në mjekësinë ligjore dhe digjitale dhe rishikimi i raporteve ekzistuese, bashkë me çështje tjera të nevojshme në hetime do të jetë një ndihmesë e madhe në këtë proces”, është thënë në letrën e Qeverisë dërguar autoriteteve amerikane të cilën e kanë publikuar mediet në Prishtinë.

Një javë më parë, më 14 qershor, është gjetur në zyrën e ti në Fshatin Ndërkombëtar në Prishtinë i therur me thikë Dino Asanj drejtor i AKP-së. Ai është sjellë në Qendrën Klinike Universitare në Prishtinë në gjendje të rëndë, ndërsa nuk ka arrit t’i shpëtojë operacionit.

Mjekësia Ligjore gjatë autopsisë ka vërtetuar se Asanaj ka bërë vetëvrasje, edhe pse në trupin e tij janë evidentuar 11 prerje me thikë. Kjo ka lënë shumë hapësirë dyshimi. FBI do të ndihmojë në zbulimin e të vërtetës nëse është vetëvrarë, apo e ka vrarë dikush.