Gavazaj: Çdo futbollist ëndërron ngjyrat kuqezi

“Si çdo futbollist edhe unë gjithmonë kam ëndërruar të përfaqësoj ngjyrat kuqezi", deklaroi Enis Gavazaj

Një nga risitë e Christian Panuccit për ndeshjen miqësore ndaj Norvegjisë, është Enis Gavazaj.

Ai është shprehur shumë i lumtur për ftesën për këtë ndeshje, derisa më herët ka qenë pjesë e grupmoshave të reja. Gavazaj aktivizohet te kampioni i Shqipërisë, Skënderbeu, përcjell albinfo.ch.
“Si çdo futbollist edhe unë gjithmonë kam ëndërruar të përfaqësoj ngjyrat kuqezi. Kjo është si një ëndërr për çdo futbollist. Ftesa e kombëtares është padyshim një nga arritjet më të mëdha”, ka thënë ish-futbollisti i Prishtinës, derisa ka luajtur në Gent.

Ai ka lindur në Prizren. “Padyshim që Skënderbeu është një trampolinë e mirë për Kombëtaren shqiptare. Kam bërë padiskutim zgjedhjen më të mirë pasi kam qenë pjesë e grupmoshave të Kombëtares shqiptare”, ka shtuar tutje Gavazaj.