Skip to content

Messi merr Këpucën e Artë dhe shkruan historinë në MLS

Me 26 gola në sezonin e rregullt, argjentinasi bëhet futbollisti i parë që fiton Këpucën e Artë të MLS-së për dy sezone radhazi.

Lionel Messi ka marrë mbrëmë trofeun e Këpucës së Artë të MLS-së për sezonin 2026, gjatë ceremonisë së zhvilluar para ndeshjes së Inter Miamit kundër Columbus Crew, përcjell albinfo.ch.

Trofeun ia dorëzoi bashkëpronari i Inter Miamit, Jorge Mas, pasi argjentinasi e kishte siguruar çmimin në përfundim të sezonit të rregullt.

Messi realizoi 26 gola në 31 ndeshje, duke lënë pas Petar Musën e FC Dallas me 22 gola dhe Sam Surridge të Nashville me 21.

Me këtë sukses, ai u bë lojtari i parë në historinë e MLS-së që shpallet golashënuesi më i mirë për dy sezone radhazi.

Krahas golave, Messi regjistroi edhe 17 asistime, duke e përfunduar sezonin e rregullt me 43 kontribute në gola. Nga 26 realizimet e tij, vetëm një erdhi nga penalltia./Albinfo.ch