Lojtarët e ‘vjetër’ janë në provë, a meritojnë Behrami dhe Xhemaili të jenë pjesë e Rusi 2018?

Trajneri i kombëtares helvete të futbollit, Vladimir Petkovic, statistikisht është më i suksesshmi i gjithë kohërave. Sot fillon testi i parë për Zvicrën në ndeshjen miqësore kundër Greqisë.

Keystone

Media zvicerane “Blick” mendon se lojtarët e “vjetër” si Johan Djourou (31), Stephan Lichtsteiner (34), Valon Behrami (33), Blerim Xhemaili (32) dhe Gelson Fernandes (32) janë në provë për të treguar nëse ia vlen të ftohen ose jo në Rusi 2018.

“Lojtarët kundër Greqisë dhe kundër Panamës nuk janë model pa vlera. Por një provë ku ata të tregojnë se janë akoma në ritëm të shpejtë e të lartë,” përcjell albinfo.ch. “Kjo për shkak se ka lojtarë me perspektivë si Djibril Sov ose Kevin Mbabu.”

Pra Petkovic nuk duhet të bëjë asnjë kompromis për Rusi 2018 dhe të mos ketë fatin e fundit të dhimbshëm.