Thaçi i kundërpërgjigjet Nikoliqit: Je humbës i madh

Kryeministri Thaçi tha se ashtu siç është larguar humbëse dhe turëruese Serbia në vitin 1999 nga Kosova, ashtu do t’i ndodhë sërish

Kryeministri Hashim Thaçi i është kundërpërgjigjur kërcënimit të presidentit të Serbisë, Tomisllav Nikoliq për rikthim në Kosovë, duk e quajtur atë “një humbës të madh”. Thaçi ka thënë se ashtu siç është larguar i turpëruar nga Kosova në vitin 1999 ashtu do të ndodhë sërish.

Kryeministri kosovar kërcënimet e Nikoliqit i ka quajtur mesazhe të këqija të Serbisë në raport me Kosovën, por edhe për paqen, stabilitetin dhe bashkëpunimin fqinjësor në rajon. Këto komente Thaçi i ka bërë gjatë një deklarate dhënë RTK-së, ndërsa pasuar pas kërcënimit të presidentit serb se nëse është nevoja edhe me ushtri do ta kthejmë Kosovën.

Kryeministri Thaçi tha se mesazhet e Nikolliqit burojnë nga periudha dhe mentaliteti i Millosheviqit, të cilat kanë shkaktuar dhimbje të mëdha për popujt ballkanikë, por edhe për popullin serb.

“Një fjalor i tillë u ka shkaktuar kriza dhe vuajtje të mëdha popujve, ka shkaktuar edhe gjenocidin në Kosovë nga ana e Serbisë, ku pjesëtarë të këtij regjimi ndër kryesorët kanë qenë dhe Nikolliq edhe Daçiq, po në të njëjtën kohë theksoj se vazhdimi i këtij fjalori nënkupton vazhdimin e humbjeve të tjera të Serbisë në raport me Kosovën”, tha ai

Ashtu siç është larguar humbëse dhe turpëruese Serbia në vitin 1999, sipas Thaçit, i njëjti skenarë do t’i ndodhë sërish.

Ndërsa sa i përket rifillimit të dialogut me Serbinë, Thaçi tha se paraprakisht duhet të implementohen marrëveshjet e para, pastaj të negociohet për telekomunikacionin e energjetikës, e më pas të diskutohet për bisedime të reja.

“Paraprakisht duhet të zbatohen marrëveshjet e arritura në Bruksel në veçanti IBM-ja (Marrëveshja për Lëvizje të Lirë) dhe bashkëpunimi rajonal që janë parakushte për konsolidimin apo normalizimin e marrëdhënieve me Serbinë”, konsideron kryeministri Thaçi.