Biçikletat e të huajve, cak i vjedhjeve në Serbi

Një çift amerikan kishte vendosur me biçikletë të vizitonte vendet e Ballkanit. Për të shkurtuar rrugën, ata kishin marrë trenin prej Sofjes deri në Beograd. Biçikletat e tyre për herë të fundit i kishin parë në Nish.

Me të arritur në stacionin hekurudhor të Beogradit, turistët amerikanë kanë vënë re se biçikletat e tyre janë zhdukur. Bëhet fjalë për tipin e biçikletave “Kona Sutra” dhe “Jamis Explorer”, raportojnë mediat serbe. Policia po i kërkon hajnat e turistëve amerikanë.

Ditë më parë edhe çiklisti japonez, i cili udhëtoi nëpër botë me dy rrota dhe i cili ka lënë prapa vetes 20 mijë kilometra të kaluar, kishte mbetur pa mjetin e tij të transportues në Beograd!

Biçikleta e markës “Panasonic”, me të cilën japonezi udhëtoi rreth botës, është vjedhur te një qendër tregtare në Beogradin e Ri në mes të ditës.

Japonezi iu ankua gazetarëve sesi e kishte parkuar dhe e kishte kyçur me dry biçikletën e tij, kurse brenda qendrës tregtare nuk ka qëndruar më shumë se 20 minuta, por aq kohë i është nevojitur hajnit serb për t’ia vjedhur.