Nga Luftëtari në Anderlecht

Kristal Abazaj është prezantuar tek klubi i ri belg, Anderlechti, ditën e sotme. Sulmuesi i talentuar i Luftëtarit, që u ble në janar nga Skënderbeu, ka nënshkruar për tre vite, raportojnë mediat shqiptare.

Pasi ka firmosur me belgët, Abazaj ka thënë edhe fjalët e para: “Klubi i Anderlehtit është një klub i madh evropian, dhe i njohur edhe në ambientin shqiptar. Jam i lumtur që do të jem pjesë e këtij ekipi, dhe do jap maksimumin”, është shprehur futbollisti shqiptar, i cili së fundi u grumbullua edhe në Kombëtaren shqiptare.

Luk Devroe, ish-futbollist belg dhe tashmë drejtor sportiv i Anderlechtit, shprehet me fjalët më të mira për “Kristalin” e Superiores”. “Kristali shihet si një nga talentet më të mëdhenj shqiptar. Jemi të lumtur që një lojtar kaq premtues ka zgjedhur të përfaqësojë ngjyrat e ekipit tonë. Jam i sigurt se ai do të plotësojë potencialin e tij këtu”, theksoi ai.