Prizreni me asociacion turistik

Asociacioni Turistik i rajonit (Prizren) jugor parashikon kultivimin dhe zhvillimin e turizmit në këtë pjesë të Kosovës

Përfaqësuesit e institucioneve lokale në Prizren dhe ata të Bashkimit Evropian që janë të akredituar në Kosovë kanë përuruarën këtë komunë, Asociacionin Turistik të rajonit jugor, i cili parashikon kultivimin dhe zhvillimin e turizmit në këtë pjesë të Kosovës. “Themelimi i këtij Asociacioni ka rëndësi të veçantë ngase rajoni i Prizrenit posedon vlera atraktive për turistët vendorë dhe të huaj dhe shpalosja e duhur e këtyre vlerave mundëson edhe promovimin e imazhit pozitiv të Kosovës”, ka thënë Christoph Stock, shefi i Operacioneve në kuadër të Zyrës së BE-së në Prishtinë.

Ai, siç raporton Koha, ka shprehur bindjen se në saje të funksionimit të kësaj zyre do të mundësohet ndërlidhja mes bizneseve të vogla e institucioneve që merren me turizmin, duke i ofruar shërbime më të mira vizitorëve të rajonit jugor.

Prizreni është njëri ndër qytete më të bukura të Kosovës në cilën gërshetohet historia orientale dhe ajo kombëtare e shqiptarëve. Po ashtu me ligjin e ri, qendra e këtij qyteti që ka edhe rëndësi teologjik, për faktin se brenda një harku të ngushtë janë të ndërtuar xhami e kisha që kanë vlera arkeologjike. Po ashtu Prizreni është vendi ku 130 vjet më parë është mbajtur Lidhja Shqiptare e Prizrenit.