Mërgimtarët t’i shmangen pritjeve në Merdare

Autoritetet u bëjnë thirrje mërgimtarëve t'i shmangen pritjeve në Merdare duke shfrytëzuar për qarkullim pikëkalimet tjera kufitare

Të hënën në pikëkalimin kufitar në Merdare, vazhdojnë pritjet e gjata dhe raportohet për kolona të gjata në dalje për në Serbi.

Departamenti i Policisë Kufitare të Kosovës bën të ditur se për të kaluar kufirin nga Kosova për në Serbi përmes pikëkalimit në Mërdare duhet pritur nga 3-4 orë, kurse kolonat e automjeteve janë të gjata diku nga 400-600 metra. transmeton ReL.

“Situata dhe arsyeja në bazë të informacioneve jo zyrtare të pranuara nga qytetarët mbetet e njëjtë, ku e gjithë kjo pritje bëhet nga puna e ngadalshme, neglizhenca e autoriteteve serbe”, vijon njoftimi, transmeton ReL..

Ndërkaq në pikëkalimet tjera kufitare qarkullimi është duke u zhvilluar normalisht pa pritje të gjata.

Andaj, autoritetet u bëjnë thirrje qytetarëve, sidomos atyre që kanë qëndruar për pushime në Kosovë dhe tani kthehen sërish nëpër vendet evropiane që nëse munden t’i shfrytëzojnë për qarkullim pikëkalimet tjera kufitare dhe t’i shmangen pritjeve në Merdare.