Unikkatil “dogji” mbrëmë Zvicrën

Reperi shqiptar Unikkatil, ka mbajtur mbrëmë koncertin e shumëpritur në Zvicër

Të shtunën, më 28 prill, salla e rezervuar në Dübendorf të Cyrihut ishte rezervuar për koncertin e njërit prej artistëve më të pëlqyer të hip hopit shqiptar.

Mijëra të pranishëm nga Zvicra dhe diaspora shqiptare ishin mbledhur për ta shijuar përformancën dhe dëgjuar hitet e reperit që jeton në Amerikë, Viktor Palokajt i njohur si Rebel a.k.a Unikkatil.

Albinfo.ch mëson se edhe përkundër çmimeve të shtrenjta të biletave, dashuria për ta parë “live” Unikkatilin ka qenë masive.

Koncertit i ka paraprirë disa këngëtarë nga grupi i labelit “The Bloody Alboz”.

Unikkatili ka përformuar këngët e tij më të dashura të cilat bashkë më të i këndonte edhe gjithë publiku, përcjell albinfo.ch.

Se si ishte atmosfera dhe çfarë dashurie ka publiku për këtë këngëtar, e tregon më së miri vet shpërndarja e videove dhe fotografive të shumta të koncertit të cilat adhuruesit e tij i kanë shpërndarë në rrjetet sociale.

Koncertin dhe ardhjen e Unikkatilit në Zvicër, e mundësoi diskoteka “Avalon Club”.

https://www.facebook.com/avalonclub.ch/videos/1898927300140789/?hc_ref=ARQPj5YsBsf6yFHwhDmloIBCZCVGwZCXkveE6aYEuhll_cVo7TzXhfWYVrUHJ5I_mL4