Bardhi: Ëndërroja t’i shënoja Barcelonës

Levante fitoi 5:4, duke ia shkaktuar humbjen e parë Barcelonës. Bardhi ka shënuar nëntë gola në këtë sezon.

Mesfushori shqiptar, Enis Bardhi, ka shkëlqyer ndaj Barcelonës, duke realizuar dy gola mjaft të bukur, shkruan albinfo.ch.

“Kjo skuadër është mjaft e mirë dhe mund të fitojmë ndaj çdo kujt. Është një natë e madhe për ne”, deklaroi futbollisti nga Shkupi.

“Vuajtëm shumë ndaj Barcelonës pasi ata luajnë në një nivel të madh, por jam shumë i lumtur. Kemi luajtur shumë mirë dhe me besim të madh. Jam i lumtur për golat, kam ëndërruar që do të shënoja dhe do të ndihmoja skuadrën”, theksoi tutje mesfushori i cili përfaqëson Maqedoninë.

Skuadra e tij Levante vetëm në fund arriti të sigurojë shpëtimin në ligë. “Na mungoi diçka që tani e kemi. Besimi. Kemi një grup të mrekullueshëm dhe kjo është arsyeja pse po fitojmë”, ka shtuar Bardhi, raporton Marca.

Levante fitoi 5:4, duke ia shkaktuar humbjen e parë Barcelonës. Bardhi ka shënuar nëntë gola në këtë sezon.

https://www.youtube.com/watch?v=ZSN0PCiv9m4